【歌舞伎】跟市川猿之助學獅子毛振り

近排經常係綜藝節目見到猿咕碌身影，每次佢係IG出工作story大概代表又有節目上，佢自己都講過《半澤2》熱潮為佢帶來最大既影響就係多左好多綜藝演出既邀請，而且大部份話題都係圍繞佢演一座山時既「詫びろ x N」「お前の負け！！」scene，睇得太多我都覺得膩啦，但感覺佢本人仍然好樂在其中😅

最近呢次上《出川と爆問田中と岡村のスモール3》終於比較有意思，雖然之前其他節目都有提及歌舞伎既話題，但頂多都只係懶人包，今次居然係要教三個半百大叔學《連獅子》毛振！其實猿咕碌本人講過只鐘意做演果個唔鐘意做教果個，所以實在係好笑得黎又相當難得

係綜藝節目演《連獅子》都算係破天荒啦

由於上一段既嘉賓大泉洋炒個飯炒左足足一個鐘關係而搞到SMALL3遲大到，仲要開波無耐出川大叔話比起「呢樣野」(指歌舞伎)想講半澤多D，雖然知佢係講笑咁講，但其實真係幾失禮，歌舞伎係嘉賓既本業黎架嘛💦猿咕碌本身11月演蜘蛛精已經好攰架啦，真係陰公豬

關於《半澤2》，其實之前佢都有係其他節目講過，大結局果晚撞正柚子網上live所以冇睇到，話晒悠仁係猿咕碌既大親友嘛。至於係劇裡面加入歌舞劇要素呢方面大概都係導演既要求吧，畢竟第一季有咁大迴響，演員們用燃燒生命程度既誇張演繹始終係重點之一。猿咕碌仲不忘多謝大家對《半澤2》既厚愛，而家既佢比起岩岩襲名果陣少左份少爺氣場，畀人感覺圓滑左好多呢~

仔獅子團子

進入正題！換左浴衣既大叔們首先要學滑步同見得，用左年頭公演既片段做範例，難得可以見到團子❤️田中大叔同岡村大叔確實好比心機學，而出川大叔則由頭到尾都係處於搞事狀態w到學fing毛時亦為佢地準備左稽古用既黑頭毛，戴左黑頭毛之後三個身長只有160既大叔們睇起上黎好似企鵝，好趣緻www本來我以為最多都係學到呢度為止，冇諗過之後真係化埋妝同換正式戲服演出，其實要保養獅子戲服應該相當麻煩，估唔到竟然勞師動眾到呢個程度…

的確，對於呢一代既役者們黎講，推廣歌舞伎都係佢地重要既任務之一，任重道遠。作為澤瀉屋既當家，呢一方面猿咕碌真係一D都冇馬虎👏🏼

極速隈取

之後大叔們就睇猿咕碌示範自己上妝，然後再由弟子們先為佢地搽底油同白粉，再畀佢地自己畫隈取。出川大叔蠟眼眉時喪嗌好痛真係勁煩XD，之所以點解役者們通常都寧願選擇犧牲色相剃自己眼眉，除左方便之外就係為左免受呢D皮肉之苦w而平常上鏡畫晒眉咁都係因為冇左堂眉而唔係為貪靚架。見到出川大叔既隈取我當堂噴笑左出黎🤣猿咕碌話佢畫到似Joker，我反而覺得佢睇落似Q太郎多D囉

最後既見得 XD

換完戲服就正式表演了，本來我一向覺得無論邊個都好，演得獅子精就會自動帶帥氣buff，猿咕碌既親獅子當然不在話下，只係一見到三隻半百仔獅子出場既畫面，就算表情好認真都依然係好好笑，尤其每次影到出川大叔果陣😂三個之中我認為fing得最好既應該係田中大叔嘞，至於出川大叔果然不意外地去到中段fing唔倒要偷雞用手🤣不過到呢個年紀先學fing獅子毛都算係咁啦，見到猿咕碌威風凜凜既毛振身姿，證明歌舞伎役者真係個個都練習有素好腰好腎w

【音樂】Netflix配信 - 「BUMP OF CHICKEN TOUR 2019 aurora ark TOKYO DOME」

分享到IG Story張圖都超靚囉

係BD DVD出既同一日竟然係Netflix有得睇，呢個舉動實在令我太震驚…當佢地既世界仍然有好多單位採用緊對海外飯超級唔友善既E+同Pia賣streaming票果陣，Bump親切地選擇左Netflix，不禁心想佢地係咪終於決定要面向世界了？

傳送門：
https://www.netflix.com/title/81252789?s=a&trkid=13747225&t=cp

本身公佈tour出碟時，期間限定版又係要鬥搶，加上Amazon而家唔ship香港既關係所以直接放棄左，淨係訂左新single…真係諗都無諗過而家畀個月費就睇到本篇，最最最最最令我感動既係有字幕，係連MC都有字幕呀！而且唔係求其掉去翻譯機譯D怪獸出黎！唔使靠自己既渣渣日文聽到一知半解！仲要藤君好多時係live會改歌詞都有跟住譯到…天啊真係超級佛心好唔好😭

Setlist:

01. aurora arc
02. Aurora
03. 虹を待つ人
04. 天体観測
05. シリウス
06. 車輪の唄
07. Butterfly
08. 記念撮影
09. 話がしたいよ

恥ずかし島：
10. 真っ赤な空を見ただろうか
11. リボン

12. 望遠のマーチ
13. GO
14. Spica
15. ray
16. 新世界
17. supernova
18. 流れ星の正体

アンコール：
19. バイバイサンキュー
20. ガラスのブルース
21. スノースマイル
22. 花の名

諗起對上一次去日本睇Bump都已經係四年前既BFLY了，即使而家只係望住手機，都好似睇現場咁，會三五不時忍唔住喊出黎…特別係藤君兩段長MC，搞到我係餐廳食緊飯、係巴士站等緊車時感動到係度啜泣…

既然Netflix咁好心做埋字幕，就節錄出黎畀大家睇下我地既藤君到底係一個有幾溫柔同暖心既男人

怕羞小島一段：

昨日も ちらっと話したんだけどさ 昨日は ここで "ダイヤモンド"って曲をやったんだよね それは俺が あの二十歳んときに書いてさ その曲はさ...20年後? 20年後のここにいるお客さんに聞いてもらえるってのが 何だかスゲ事だなと思ってさ 割と 感極まっちゃって 喋っちゃったわけだけれども さっきやった"真っ赤な空を見ただろうか"って曲はさ まあ あれも まあまあ古いよ 15年ぐらい前かな? うん 15年ぐらい前よ 何かさ 真っ赤な空見て 書いたわけ まんまなんだけど (客笑) まあ 要するに スゲえ個人的な思いから生まれた曲たんだけれども それがさ なあ 15年後? 何年前か 正確には分かんねえけど まあ 十数年後? お前が聴いてくれたんだなと... お前が聴いてくれたんだなと あの曲が ここまで来たんだなと 何か それがね うまく言えねえけど スゲえ事だなと思うわけよ で あの頃と変わらず そして あの頃よりも 前よりも そんときよりも変わらず 今も変わらず うまく言えねえな 何だろ... むか〜しと変わらず 今も こうやって 俺が唱えば 俺たちが音を出せば 聴いてくれるヤツがいるってのはさ スゲえ事だなと うまく言えねえけど 心から思いました

我昨天也稍微提過 我們昨天在這裡演奏了《ダイヤモンド》這首歌 那是我20歲的時候寫的 那首歌要在20年後？對，20年後演奏給這裡的觀眾聽 感覺是很不得了的事情 我覺得很感慨，所以說了這些 剛剛演奏的《真っ赤な空を見ただろうか》 那首歌也滿老呢，有15年了吧？ 大概是在15年前 我看到鮮紅的天空後寫下的 就跟歌名一樣 總之是從我很個人的想法出發寫出來的曲子 那在15年後？我不知道到底已經過了幾了 大概是10年後？ 你們還願意聽這首歌 這首歌還能唱到現在 雖然我也無法好好說明 但是我覺得好厲害 和那個時候一樣然後從那個時候 從之前開始 從那時候開始就沒變 現在也沒變 我不會說明，該怎麼說呢？ 現在還可以和以前一樣 只要我唱歌、我們演奏 就有人願意聽 這是很不得了的事情 雖然我不太會表達 但我打從心底這麼覺得

 ガラスのブルース之後一段：

何か魔法みたいな夜だった お前ら今日さ いっぱい歌ったじゃん お前らさ… お前さ 大きい声であるいは小さい声で 時には心の中で いっぱい歌ったじゃんよ 俺 割と しつこく煽ったからね (客笑) 声 聞かしてくれよ 歌ってくれよってさ 応えてくれて ありがとな ちゃんと聞こえたよ 嬉しかった 今日の お前の その歌声ってのはさ お前が歌ったその歌声ってのはさ なあ? 俺とか ステージになってる この… 今日のステージになってるこの4人に… 向けてのためにものだけじゃなくてさ 時間と距離を飛び越えて 未来のお前自身に向かってくんだと思うよ 明日以降の未来のお前自身に 今日 お前歌った歌声が向かっていくんだと思うよ そういうもんだと思うよ あのね 未来はさ 何があるか分かんねえじゃん なあ 今は平気かもしんねえけど 今 ここでみんないい笑顔でさ 俺たちの音楽聴いてくれたけどさ 明日が普通に来るかもわかんねえし 明日平気でも 1年後 10年後 20年後 もう 辛い しんどい 立ち上がれない 生きていけるんだろうか そうやって思う時が来るかも知んない そういう時に力になれるように 今日 お前が歌った歌ってのは 未来のお前に向けて旅立ってんだと思うよ なあ? そんでさ そういう時… お前が大ピンチの時に 今日歌ったお前の歌ってのを思い出せないかも知んない 忘れてるかも知んない そん時はね 何か 多分 俺はそん時のために歌ってるのかも知んない 俺が歌って 俺たちが音を出して お前 あん時 あんなに心込めて いい声で 生きてる証拠を歌ってたじゃねえかよって事を思い出す そのために手伝いをするよ お前が今日歌った歌声を お前がいつか忘れた時に 思い出すために手伝いをするために もしかしたら 俺の歌は 俺たちの音楽はあんのかも知んない あのね これから先… 今日だけじゃない 明日だけじゃない お前の… 未来がどんなものであろうと どこにいよ… どこにいようと 俺の歌は 俺たちの音楽は お前のことを絶対独りにしないから 気付いてくんないかも知んない だけと 勝手に… 勝手にね お前の… お前の側にいるから あの… 綺麗事に聞こえるかも知んないね でも ちゃんと根拠があるわけよ 根拠はあんの だってね… 世の中さ 凄えたくさん音楽あるじゃん ねえ? 音楽ってもの生まれてから今日に至るまで しかも 今日も新しい曲が どんどんどんどん生まれてるわけよ そんな中からさ 俺の歌を 俺たちの音楽を 俺たちを 俺を見つけた人だからねお前は なあ? これ根拠 何通のかな… ものすごい大きな分母の中から その上に乗っかる "１"にしてくれたわけよ それはすごく… バンドを組んでるうえで 音を出してることを生業する者として ものすごく 何よりも誇れることなんだ 俺にとって お前はそういうんだから 俺の歌う歌は 俺たちの出す音は 絶対に必ず お前の未来が どんなものだろうと お前が どこにいようと 必ず側にいるから 気付いてくれなくても 勝手に 何だろうね こんなに喋ってねばさ もう1曲ぐらい歌えばいいよな

今晚像是個有魔法的夜晚 你們今天唱了很多歌吧？ 你們啊，你們每一個人 不論是大聲唱或小聲唱 還是有時候在心裡唱，你們都唱了很多歌對吧？ 因為我一直不停地慫恿你們 要你們唱出來讓我聽聽，叫你們一起唱 謝謝你們回應，我都聽到了，我很開心 今天你們的歌聲 你們唱出的歌聲 不是為了我 也不是為了今天舞台上我們四個人存在的 而是飛越了時間和距離 要傳達給未來的你們 今天你們所唱的歌聲會傳遞給明天以後未來的自己 是唱給未來的你們聽的 我們都不知道未來會發生什麼事，不是嗎？ 現在可能沒事 現在大家在這裡開心地聽著我們的音樂 但是不知道明天會不會像往常一樣到來 說算明天沒事 1年後、10年後、20年後 說不定會覺得好累、好痛苦、無法重新振作 懷疑自己是否活得下去 說不定哪天你們會這麼想 為了能夠幫助這種時候的自己 今天你們所唱的歌 會出發去見未來的你們，懂嗎？ 等你們遇到重大危機的時候 你們可能會想不起來 也可能已經忘記了今天你們所唱的歌 就是這種時候 我或許就是為了這種時候而唱歌的 我唱歌、我們演奏是為了幫你們想起 你們那時候不是那麼用心用很棒的歌聲唱出了活著的證據嗎？ 我們的表演就是為此而生的 有一天你們忘記的時候 為了幫助你們想起今天所唱的歌聲 說不定我的歌曲、我們的音樂就能夠派上用場 我跟你們說 未來不是只有今天 也不是只有明天 無論你們的未來會如何 無論你們未來身在何處 我的歌曲、我們的音樂絕對不會讓你們孤獨 說不定那種時候你們不會發現 不會發現到我們的歌曲、我的歌聲在陪伴著你 但是我們會擅自待在你的身邊 那個…我聽起來像是說漂亮話 不過我有明確的證據喔 我是有證據的 因為 這個世界上不是有超多音樂嗎？對吧？ 從音樂誕生起直到今天都在增加 而且今天也有很多新歌不斷誕生 在茫茫音樂海之中 你們是找到我的歌曲、我們的音樂、找到我們、找到我的人 對吧？這就是證據 該怎麼說呢？ 在龐大的分母中 你們成為分子 讓我們變成了「一」 這很不得了 這對於一個組樂團 以演奏音樂維生的人 是一件比任何事都還要令我自豪的事 對我來說，你們就是了不起的分子 我唱的歌、我們演奏的音樂絕對會陪著你 不管你們的未來如何 無論你們身在何處 這些歌絕對會陪在你們身邊 就算你們沒有發現 它也會擅自陪著你們 怎麼說呢？說了這麼多 不然再唱一首歌吧

太厲害了，只係事隔一年，呢個世界果然就面臨大危機，連Bump都一樣…不過其實呢個2020年邊一個都唔好過吧…

曾幾何時，我懷疑過自己係咪已經唔再被Bump感動。但係睇完藤君呢兩翻說話，令我諗起十年前既低潮時期，就係因為佢既歌我先至能夠重新振作起黎。如今就好似藤君所講，果幾首對我特別重要既歌，總係會係氣餒既時候出現

隨住時間流逝，佢地四個都已經係四字頭既大叔，心知道冇可能要求佢地仲好似以前既熱血少年咁寫咁多直崁入心既歌…

點講好呢？最重要都係初衷不變吧

【歌舞伎】那夜我在中央圖書館觀看《京鹿子娘二人道成寺》

關於《京鹿子娘道成寺》故事背景——

安珍與清姬

安珍與清姬是流傳在紀州的傳說。主人翁是來自奧州要到熊野參詣的僧人安珍，和他在紀伊國寄宿家中的少女清姬。內容描寫清姬愛慕寄宿的安珍，在遭到背叛後化身成蛇，將躲藏在道成寺之鐘裡的安珍燒死的故事。

- from wikipedia

自始無論如何點樣再興建大鐘，都會因為清姬既怨念而遭受破壞 經過幾百年後，此時櫻花爛漫既道成寺，已經唔知第幾次新建既大鐘又再次落成，一群和尚開始到寺為大鐘進行法會。呢個時候白拍子花子出現，希望入寺供奉大鐘，為左保護大鐘其實已經唔再容許女人入寺，但和尚們見門外香香既花子美貌如此出眾，於是對佢進行左一場禪問答以測試品格，聰慧既花子唔止對答如流，仲反過來問到和尚們口啞啞，結果甘敗下風既和尚們以花子要戴住烏帽子跳舞作為條件允許入寺。花子一連串華麗既舞蹈令和尚們睇到入晒神，但呢群傻豬豬意會唔倒花子既舞蹈裡面充滿情愛之意，其實花子一早已被清姬附身，藉跳舞接近大鐘，和尚們察覺唔妥時已經太遲無法阻止。最後大鐘跌下來，花子化身為大蛇盤踞係大鐘上

隨便搜一搜都有唔少玉三郎既跳娘道成寺片段，尤其是YouTube呢條真係不得之了呀，仲有當時仲係用緊本名孝夫既仁左衛門，係90年代極之人氣既郎才女貌「孝玉配」🤗不得不感嘆玉三郎後生時已經對細節野有咁多考量，果種比女人更柔軟纖細既型態如此成熟。係二人版本中玉三郎造詣之高變得更明顯，不過創作二人版既原意就唔係用黎比較，所以我絕對冇覺得菊之助跳得唔好既意思呀😣本來菊之助師承老豆既女形已經做得相當好，再加埋有玉三郎指導，型態美比起好多役者要出色，只係同得玉三郎同台難免依然睇得出分別，玉三郎每次望向大鐘時真係連眼神都有戲

※ 有關呢部劇目既技術性註解，可參考歌舞伎への誘い(中文)

「二人の花子が時には一体となり、時には陰と陽のように、あるいは姉妹のように踊るという」

二人版本編排就如呢段簡介一樣，我覺得甚至更加具現左故事背景，例如一開始菊之助係花道一段，玉三郎突然係suppon出場，二人動作慢慢同步起來，然後菊之助前往道成寺時玉三郎又係suppon退場；以係suppon登場既角色都唔係人類既呢個概念，製造一個花子就係呢個時候被清姬附身既觀感效果。而且二人共演都減輕左表演者既負擔，畢竟要著住咁多重振袖跳一個鐘頭舞一定相當辛苦

睇完更好奇2016年既清姬怨念五倍加乘版《京鹿子娘五人道成寺》到底會有幾精彩😂

圖書館有得睇？？

有感關於歌舞伎既中文資訊太少，於是查下圖書館會唔會有書可以參考下，結果書就少得可憐，反而影音資料比我想像中多。其實我一直都未用過圖書館既MMIS(多媒體資訊系統)，趁有時間所以就試下。不過原來MMIS都幾唔user friendly，DVD館藏無做到數碼化，而且只得中央圖書館有，所以必需要預約中央圖書館既MMIS，模式好似幾廿年前既K房一樣咁古老…雖然對於身處大西北地區既我係有D遠水路，好彩巴士站落車行去都近，於是我就有一個大膽既想法，諗住第時放假冇野做就可以有個地方打墩

不過滿心歡喜認領左預約既館藏，到播放出黎一刻我係灰左既，估唔到畫質竟然好似睇緊YouTube 144p咁……天呀！雖然係DVD者，點解都可以壓到咁低架？？？？？望住起晒格既玉三郎同菊之助，我真係欲哭無淚😢不過因為係DVD所以有日英副聲解說可以揀，而且有D資源始終係網絡上搵唔倒，所以之後應該會再去…既

【舞台劇】髑髏城の七人

其實第一次睇新感線係無幾耐之前既事，都係因為最近沉迷睇歌舞伎期間唔覺意睇左幸四郎主演既《朧の森に棲む鬼》，舞台場景同空間運用仲有殺陣以當時黎講真係好出色，古今融合洽到好處，劇情亦相當大膽露骨

而髑髏城其實已經公演過好多次，名符其實係新感線既劇寶，最元祖版本係古田新太主演，萬萬無想過原來佢係新感線既台柱黎w

2004年就有〈アカドクロ〉同〈アオドクロ〉兩個版本，前者依然係古田主演，後者由幸四郎主演，以上版本都係由佢地一人分飾捨之介同天魔王兩個角色，係YouTube有〈アオドクロ〉既歌舞片段，不過本人一向對歌舞劇抵抗力低，一聽歌就會起晒雞皮出晒戲，所以今次係戲院上既〈ワカドクロ〉版本比較合我口味

同之前兩個版本最唔同既就係歌舞橋段砍晒，捨之介同天魔王分開兩個人演，套劇應該變得流暢左，個個都有足夠時間發揮無厚此薄彼

選角方面都幾無敵，小栗旬、早乙女太一同森山未來將捨之介、蘭兵衛同天魔王呢三個角色演繹到一個其他版本都幾難超越既高度—

太一演既蘭兵衛有種其他人散發唔倒既淒美，殺陣動作超華麗可以用行雲流水黎形容；森山講對白既節奏加埋佢既顏藝，演繹出其他天魔王冇既果種陰險卑鄙既一面，同時都不乏笑點；

至於捨之介算係一個比較易塑造既角色，其他版本既捨之介都有自己獨當一面既風格，只要唔係同旬哥比風流倜儻既話w

角色雖然多，但每個人都發揮得好好，特別演兵庫既勝地涼，由於ワカ既贋鐵齋由高田聖子飾演，所以一邊殺陣一邊磨劍一幕變成由兵庫拍檔捨之介，超有默契超好笑w

舞台場景搭得好靚，但係戲院睇就覺得個舞台好窄，大概因為有太多場景要換吧，雖然睇落係細但就凸顯左空間運用既奧妙，好似攻打髑髏城一幕靠樓梯同演員走位配置營造到逐層打大佬既感覺，好精彩好有心思

後來我搵晒6年後再公演既〈花鳥風月極〉版本黎睇，咁當然只係跳住黎睇啦畢竟人生冇咁多個三小時嘛

原來IHI stage around東京落成後，〈花鳥風月極〉係處女show，呢個場既舞台同觀眾席都係可以旋轉的，亦因為舞台只要旋轉就可以轉換場景，再加埋投影設備，做到好多比之前版本更精彩既舞台效果，特別想推薦一下Season〈鳥〉同〈極〉

Season〈鳥〉由太一同森山飾演返蘭兵衛同天魔王，佢地兩個既演出比2011年仲要更上一層樓，而由阿部貞夫演既捨之介亦由浪人呢個設定改左做忍者，變得好符合佢風格，歌舞部份都回歸，睇完先知原來係Mikiko振付擔當，瞬間覺得好厲害w松雪泰子演既太夫都超靚唱歌好好聽，場景佈置相當精美，仲有捨之介搵贋鐵齋打造斬鎧劍一幕超級好笑www可以話係風鳥花月之中最可以同2011年版平分秋色既版本

而Season〈極〉係冇左捨之介同蘭兵衛，天海祐希演既太夫基本上就係三個角色既結合版，超級壓場！最特別既地方係新感線完美地利用舞台可以360度旋轉呢個特點來製造回憶走馬燈既效果，睇到我起晒雞皮

所以只要睇過一次新感線就明白點解會咁受觀眾同一線演員歡迎呢

【歌舞伎】三人吉三

衝住中村屋而睇既三人吉三

初初見到勘九郎七七同尾上松也係涉谷拍既現代風畫報，搞到以為只係三個都叫吉三既結義兄弟物語，諗住應該會係中村屋拿手果種輕鬆搞笑劇目，估唔到劇情繼續發展落去原來急轉直下，係C9們最鍾意果D因果報應既狗血劇情黎，三個吉三既下場好悲慘

三人吉三 - 開場

故事原名叫《三人吉三廓初賣》，現時歌舞伎經常見到既《三人吉三巴白浪》為第二幕（大川端庚申塚の場），三個吉三係兩國橋結拜既名場面(白浪物 - 即係以盜賊為主題)，而お嬢吉三搶走百両及意外得到庚申丸後，係月光下一段厄払い獨白，係河竹默阿弥眾多著作中數一數二名台詞

三人吉三 - 大川端庚申塚の場

三人吉三 - 割下水伝吉内の場

串田和美既舞台真係要用美不勝收黎形容，Theatre Cocoon唔算大但舞台佈置同燈光營造得相當有電影感，例如お嬢同お坊係橋上大打出手（大川端庚申塚の場）、伝吉自爆過去（割下水伝吉内の場）同最後三人自盡（本郷火の見櫓の場）呢幾幕，特別最後一幕場雪景戲短短十幾二十分鐘，我諗紙吹雪用量分分鐘用噸計，仲出現左兩次大"雪崩"來表現悲壯感，坐前面幾行既觀眾可以話完全融入左劇裡頭，全身上下都鋪滿厚厚積雪w真係辛苦晒負責清理既人員啊

吉三們既服飾比起平時歌舞伎既服飾用上更鮮明既紅藍黃綠色，亦同其他角色低調配色形成強烈對比，突顯三個主角同時，配色依然符合角色身份；Cocoon版有時候配樂會用上結他，將現代舞台融入歌舞伎應該係呢個版本獨特之處吧，2007年勘三郎版本甚至用左林檎姐既《玉手箱》作結尾㖭

本來就為左美七七而睇呢套，不過感覺有D可惜，佢既お嬢冇中村福助反差咁大，又冇玉三郎咁傲嬌；勘九郎既大佬吉三演得好夠悲壯，有時真係好有勘三郎影子；至於尾上松也比想像中好，但可能上左妝問題，好多時佢驚訝既表情比較似發呆多w整體而言，明明三位係幼馴染，竟然冇長輩們既演出咁放得開，但畫面靚，靚可以蓋過晒你地既唔完美☺️

三人吉三 - 巣鴨在吉祥院の場

三人吉三 - 巣鴨在吉祥院の場

由於劇情比較複雜關係，唔再用篇幅說明了，曾經睇過台灣劇迷既中文講解，有興趣可以Google一下。如果唔想睇咁多字，可以睇下木ノ下歌舞伎版既人物關系圖作簡單了解。總之呢個係由一把刀同一百両，好似蝴蝶效應咁所引起既連串悲劇故事。。。

至於本人最鍾意既一幕就係當一切真相大白時，和尚吉三寧願殺死自己既親弟妹(本來唔知對方存在但卻意外相戀既龍鳳胎十三郎同おとせ)，拎住兩顆頭臚出黎決定用來代替お坊同お嬢頂罪，一來為免弟妹繼續墮落畜牲道，二來希望讓お坊お嬢得以重生，結束老豆伝吉一手造成既冤孽，呢一幕真係有震撼到我。但到最後三人自知道難以突破官兵包圍決定自我了結時竟然滿滿吐槽點wお坊同お嬢互刺之後，兩個大男孩死前仲要互相依偎咁甜囉，喂呀你地望下大佬一眼好冇？難為大佬犧牲左咁多，切腹氣絕前仲將自己件衫蓋係佢地兩個身上，大佬你真係偉大得黎又淒涼啊😭

最後以渣渣日文+渣渣中文譯左お嬢段厄払い，本來用左玉三郎演既片段做左個小字幕短片Up上IG，但越睇越覺得翻譯得差，所以就唔貼出黎，放個修飾左既文字版係呢度好了

月も朧に白魚の篝も霞む春の空
冷てえ風も微酔に心持よくうかうかと
浮かれ烏のただ一羽塒へ帰る川端で
棹の雫か濡手で粟
思いがけなく手に入る百両
ほんに今夜は節分か
西の海より川の中
落ちた夜鷹は厄落し
豆沢山に一文の銭と違って金包み
こいつぁ春から縁起がいいわえ

朦朧月夜下捕魚的篝火在初春的天空騰升
冷風令微醉的心迷迷糊糊的
往河另一端歸巢的一只烏鴉
簡直就像不勞而獲似的
無意間百両入手
原來今晚正值節分
把剛才的夜鷹當成厄運推落隅田川流向西面的海
這包包跟平常和很多豆子一起包住的一文錢可差得遠了
真是吉兆由新春開始